Fjármálaráðuneytið hefur sent frá sér viðvörun þess efnis að litlir sem engir peningar verði til ráðstöfunar fyrir ríkisstofnanir næstu 6 mánuði. Ástæðan mun vera fæðingarorlof Bjarkar Guðmundsdóttur, skærustu stjörnu Íslendinga í útlöndum. Ríkið mun næstu 6 mánuði samkvæmt lögum greiða Björk 80% af mánaðartekjum hennar, en það samsvarar öllum launakostnaði Reykjavíkurborgar, heilbrigðisgeirans og menntastofnana - samanlagt. Af þessum sökum verður Landspítala - háskólasjúkrahúsi lokað fram í nóvember, allri vegagerð frestað um óákveðinn tíma og sumarfrí í skólum lengt um hálft ár. Einnig verður ræðisskrifstofu Íslands í Botswana lokað í 3 vikur.
Ekki náðist í Björk vegna málsins, en hún hefur verið búsett í New York undanfarin 2 ár, þrátt fyrir að eiga lögheimli í Breiðholti.
Stakur ermahnappur
tapaðist í miðbæ Reykjavíkur einhvern tíman á tímabilinu 1982-1994. Góð fundarlaun.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.