Rúmlega fertugur Hafnfirðingur, Víglundur Orrason, hefur lýst sjálfan sig landsstjóra Írak og skipað mág sinn borgarstjóra í Bagdad. Í sameiningu hafa þeir síðan opnað nýtt sendiráð Íraks í Hafnarfirði og er það staðsett í kjallaraíbúð Víglundar í Hvaleyrarholtinu.
Þeir félagar eru nú að safna liði til að ráðast á herstöð Bandaríkjamanna á Keflavíkurflugvelli.
GEFINS!
700 lítra tunna af þvottavélaló fæst gefins!
Á.k.y.h.s.p.m.
Einar.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.