Herra Karl Sigurbjörnsson (51), biskup Íslands og séra Guðfús Engilberz (62), eru miklir pókímonaðdáendur og hafa verið um árabil. Þeir hafa nú stofnað sérstaka deild innan þjóðkirkjunnar sem helgar sig þessu málefni, sem þeir kenna við Píkatsjú, "besta pókímoninn".
"Við séra Guðfús vorum alltaf að býtta sko og pældum aldrei í því að þú veist í sunnudagaskólanum var gomma af krökkum sem áttu helling af Pókímonspilum. Eftir að við stofnuðum Píkatsjúdeildina hef ég eignast kalla eins og Thunderbear og Butterscheitzer, þetta er geðveikt!", sagði biskup um málið.
Þeir félagar hafa aðstöðu í Dómkirkjunni og þar er býttað öll sunnudagskvöld milli klukkan sex og átta. Allir eru velkomnir meðan húsrúm leyfir.
Greiðendur fasteignagjalda!
Munið að þótt þið eigið í raun minna en ekkert í húsunum ykkar og bankinn gæti hirt þau af ykkur hvenær sem er, þá verðið þið samt sem áður að borga fasteignagjöldin. Svona erum við ógeðslega sniðug!
Sveitarfélögin
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.