Bandarískir og breskir hermenn náðu fyrr í dag með tveimur leiftursóknum valdi á hernaðarlega mikilvægu nunnuklaustri í norðurhluta Kuweit. Samkvæmt heimildum munu umræddar herdeildir hafa villst nokkuð af leið, en engu að síður tekist að ná völdum á klaustrinu eftir nokkurra klukkustunda bardaga við nunnurnar.
"Það má segja að þetta hafi verið lán í óláni", sagði Donald Rumsfeld í stuttu símaviðtali við Baggalút. "Þeir voru með bilaðan áttavita og villtust því af leið. Hins vegar er staðsetning klaustursins frábær og veitir gott útsýni yfir landamæri Suður-Íraks".
Þess má geta að mun fleiri nunnur en hermenn létust í þessum fyrsta bardaga nýhafinnar styrjaldar og má því með sanni segja að stríðið fari vel af stað hjá bandamönnum okkar Íslendinga.
Gefins
Kassavanur dvergur. Á sama stað er til sölu casio tölvuúr (ódýrt).
A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.