Frétt — Myglar — 30. 1. 2003
Fann umboð til stjórnarmyndunar
Hermann hyggst mynda frjálslynda vinstristjórn og sjálfur ætlar hann að vera menntamálaráðherra

Hermann Baldursson sagnfræðingur, sem stundar rannsóknir á Vestur-Íslendingum í Kanada, fann nú fyrir skemmstu umboð til stjórnarmyndunnar í bunka af gömlum skjölum. "Ég var að fara yfir gömul íslensk sendibréf á safni í Manitoba þegar ég rakst á þetta líka fína umboð til stjórnarmyndunar, alveg ónotað," sagði Hermann í viðtali. Talið er að umboðið hafi verið sent til Kanada í misgripum, líklega með jólakorti.

Páfi

óskast í afleysingar. Nánari upplýsingar gefur upplýsingafulltrúi Vatíkansins á Íslandi.

Lesbók22. 10. 2020 — Enter

Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.

Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:


  • Ekkert starfsfólk
  • Engin viðvera
  • Ekkert húsnæði
  • Engin þjónusta
  • Engin gildi
  • Engin frí
  • Engin áhætta
  • Ekkert internetsamband
  • Enginn samningsvilji
  • Engin kaffivél

Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.

Góðar stundir.

 
§ Spiladós




§ Nýjustu fréttir: