Gerard Houllier stjórnandi Liverpool varð fyrir enn einu áfallinu um helgina þegar í ljós kom að Jerzy Dudek aðalmarkvörður liðsins er í raun hæna. Telur Houllier líklegt að félagið muni höfða mál gegn hollenska félaginu Feyenoord, en þaðan var Dudek keypt á síðasta ári.
"Ég býst við að við fáum sektir frá knattspyrnusambandinu fyrir að vera með kvenkyns leikmann," sagði Houllier harmi sleginn. "Verst þykir mér þó að þurfa að missa hana, þar sem hún er enn besti markvörðurinn í deildinni."
Upp komst um svikin þegar Dudek tók upp á því að verpa í leik liðsins við Manchester United um helgina. Búist er við að hún verði í kjölfar þessa snædd á jólahlaðborði leikmanna síðar í mánuðinum.
Viðskiptamenn athugið!
Krónan lækkaði um 1.2% í dag. Einstakt kauptækifæri fyrir framsýna einstaklinga.
Seðlabanki Íslands
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.