Nú hefur hulunni loks verið svipt af því hverjir taka við stjórnartaumum í Kína að flokksþingi Kommúnistaflokksins afstöðnu.
Jiang Zemin forseti Kína kynnti í morgun arftaka sinn, sem er hin lítt þekkta Li Hu, 13 mánaða dóttir nepalsks bifvélavirkja.
Að öðru leyti var helsta breytingin á stjórninni sú að auk hinna hefðbundnu sjimpans- og órangútanapa voru nokkrir hressir kettir skipaðir í helstu áhrifastöður.
Þykir þetta til marks um að Kínastjórn muni ekki slaka á djókstefnu sinni í bráð og áfram muni grín og glens einkenna stjórnarhætti í þessu fjölmennasta ríki veraldar.
Sígaretta
lítið reykt, með dálitlum fölrauðum varalit á filter fæst fyrir lítið. Fyrstir koma, fyrstir fá.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.