Guðni Ágústsson var "heysáta í einn dag" í tilefni af degi heysátunnar sem haldinn er hátíðlegur víða um land. Guðni var búinn sem heysáta og leiddur um götur Hvolsvallar, Selfoss og Hveragerðis. Í ræðu sem hann hélt í Eden sagði hann m.a: "Þar sem tvö grasstrá koma saman - þar er heysáta. Íslenska heysátan er þurrasta heysáta veraldar! Hún er jafnframt sú næringarríkasta og veldur afar sjaldan heymæði. Hún er verðugur fánaberi íslensks landbúnaðar og grundvöllur velmegunar á Íslandi - og gott ef ekki heiminum öllum!".
Vinur óskast
þarf að hafa brennandi áhuga á fiðrildasöfnun, póló og Leonard Cohen. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.