Frétt — Númi Fannsker — 8. 10. 2002
Egypti hefur nám við MH
Kalífas II. var busaður eins og aðrir nýnemar

Kalífas II., egypskur skiptinemi, hóf á dögunum nám við Menntaskólann við Hamrahlíð fyrstur Faraóa. Að sögn rektors skólans hyggst skólinn taka forystu í kennslu fornra konunga og er dvöl Kalífasar því honum að kostnaðarlausu.

Kalífas mun hafa verið fljótur að kynnast samnemendum sínum, þó hann hafi ekki alveg runnið saman við hópinn í fyrstu.

UNGUR MAÐUR

með yfirgripsmikla þekkingu á kjarnaofnum, óskar eftir starfi úti á landi.

Lesbók22. 10. 2020 — Enter

Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.

Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:


  • Ekkert starfsfólk
  • Engin viðvera
  • Ekkert húsnæði
  • Engin þjónusta
  • Engin gildi
  • Engin frí
  • Engin áhætta
  • Ekkert internetsamband
  • Enginn samningsvilji
  • Engin kaffivél

Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.

Góðar stundir.

 
§ Spiladós




§ Nýjustu fréttir: