Í kjölfar brotthvarfs sendiherra Kína vegna eftirmála komu Kínakeisara í sumar hefur verið skipaður nýr sendiherra. Hann heitir Dr. Shing Hetzi og er þekktur grínisti í heimalandi sínu eins og forveri sinn. Dr. Shing hefur meðal annars starfað að gerð grínmynda um menningarbyltinguna, sem hvarvetna hafa notið mikilla vinsælda. Við komuna til landsins sagði Shing "...ætra a glínast mikid í Ísrendingum .... HA,HA,HA!....og gela malga, malga blandala!" aðalstarfi hans hér á landi verður þó að bæta samskipti landanna eftir að sumir djókar forvera hans þóttu ekki fyndnir hér á landi.
Sá eða sú
sem á eftir að skila kvikmyndinni The Gate á Vídeóleigu Valgerðar frá því 12. júní 1988 er vinsamlegast beðin(n) að gera það hið snarasta að viðlögðum sektum.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.