Elmar Hauksson, umsjónarmaður fasteigna Stjórnarráðsins, fann í gærkvöldi stórt upplag af Gauks sögu Trandilssonar, en sagan hefur verið 'týnd' í fimmhundruð ár.
"Ég var nú bara svona að róta í kassa með gömlum skólabókum í kjallara Menntamálaráðuneytisins þegar ég rakst á þessa skólaútgáfu frá 1490. Þetta er nokkuð stórt upplag, um 300 eintök", sagði Elmar við blaðamann Baggalúts. "Ég hef nú lesið meirihlutann af henni og verð að segja að hún er óttalega leiðinleg, þurr, andlaus, uppfull af tilgerð og upphafningu Gauks þessa, sem virðist nú hafa verið óttalegur bjáni".
Reglusamur
18 barna faðir á miðjum aldri óskar eftir að kynnast góðri konu, helst huldukonu.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.