Friðrik Erlingsson segist vera með fleiri sögur tilbúnar sem til standi að búa til teiknimyndir eftir, en sem kunnugt er verður myndin um Litlu lirfuna ljótu frumsýnd nú um helgina.
"Jájá, fullt til af sögum," segir Friðrik.
"Hugmyndina að lirfunni fékk ég eftir að hafa lesið eitthvað ævintýri (sem ég man ekki hvað heitir) og upp úr þeirri hugmynd komu margar fleiri."
Eins og kunnugt er breytist lirfan í fiðrildi í lok sögunnar og segir Friðrik slíkan endi vera rauðan þráð í gegnum sögur sínar. "Til dæmis er ég með sögu um folald sem breytist í hest, eina um kjúkling sem breytist í hænu og enn eina um hrogn sem breytist í lax," sagði Friðrik að lokum.
Landi, sígarettur og bensín!
Bestu verðin í bænum!
Valdi sprútt
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.