Flugvallarvinir og kunningjar þeirra í Framsókn hættu snarlega við skipun ungs og upprennandi borgarpólitíkusar sem varamanns í mannréttindaráð borgarinnar.
„Við vissum hreinlega ekki að hann hataði flugvelli — og það gengur auðvitað ekki. Að öðru leyti var þetta fínn náungi með heilbrigðar skoðanir á mönnum og málefnum,“ segir talsmaður flokksins — gersamlega miður sín yfir þessum mistökum, þannig.
„Þetta var nú annars bara ákveðið í einhverju flippi. Við fundum þennan gaur á Tinder og hann var 'perfekt mats' eins og maður segir. En maður veit auðvitað aldrei allt um fólk fyrr en maður kynnist því nánar.“
Viltu lífga upp á samkvæmið?
hef mikið framboð skemmtikrafta í barnaafmæli, fermingarveislur, steggja- og gæsaboð o.s.frv. Mjög sanngjarnt verð. Umboðsmaður Alþingis.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.
„Já við ákváðum bara að loka sjoppunni. Það var einhvern veginn engin stemning fyrir þessu,“ segir athafnamaðurinn Númi Tumason, en …
Vísindamaðurinn Stephen Hawking er ný formaður þingnefndar sem hefur umsjón með störfum Páfagarðs. Er þetta hugsað sem ákveðin jafnvægisaðgerð eftir …
Sést hefur til múslimista í Reykjavík í dag. Um er að ræða ungan karlfugl og er hann afar styggur. Sjaldgæft er …
Þingmaður sjálfstæðisflokks, sem við nennum hreinlega ekki að nafngreina, leggur til að íslenskir múslímar verði merktir sérstaklega, til aðgreiningar frá …