Ungur Garðbæingur hoppaði, nokkuð óvænt, upp í rassgatið á sér í gærkvöldi.
„Það voru reyndar margir búnir að segja mér að ég gæti gert þetta, en ég hafði bara aldrei reynt það. Svo var ég að hoppa á fullu uppi í rúmi hjá móður minni í gærkvöldi og þá allt í einu ... púff ... var ég mættur – það var pínu spes,“ sagði maðurinn, sem að vonum var nokkuð vankaður eftir þessa sérkennilegu lífsreynslu.
Akurnesingar!
Tökum vel á móti innflytjendunum! Eigum mikið magn af tjöru og fiðri á sérstöku tilboðsverði.
Netagerð Nikulásar.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.
Íslenskur prestur, séra Guðfús Víglundsson, er kominn í úrslit í hinum vinsæla raunveruleikaþætti So you think you can preach? sem …
Maður sem kallar sig „Stóra pabba“ hefur undanfarið ginnt kvenfólk með villandi tilboðum á ýmsum kvenlægum vefsvæðum. Hefur hann mælt sér …
Kaflinn sem snýr að lauk verður jafnvel opnaður fyrir áramót í viðræðum Íslands um aðild að Evrópusambandinu. Er talið að …
Ný tímamótahljómskífa Baggalúts „ÁFRAM ÍSLAND!“ er væntanleg um eða uppúr næstu mánaðamótum. Inniheldur hún titillagið, stuðningslag íslenska landsliðsins frá árinu …