Endurskoðandi á sextugsaldri mun brenna í helvíti um aldir alda eftir að upp komst að hann hafði sagt „mér langar út að borða í kvöld“ í símtali við eiginkonu sína – algerlega óvart að eigin sögn.
Mun harðar er tekið á þágufallssýki en áður í framhaldslífinu, samkvæmt nýrri reglugerð og er fólk því beðið að tala gætilega og vanda mál sitt.
Þess má einnig geta að þeir sem segja „líter“ og „meter“ fá engan eftirmat í helvíti.
Einkamál
Eldri, atvinnulaus, einstæð, drykkfelld kona í Grindavík óskar eftir að kynnast sjúklega myndarlegum karlmanni á fertugsaldri sem veit ekki aura sinna tal - með náinn vinskap (kynlíf o.fl.) í huga.
A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.
Svokallað tölvuhakk verður æ vinsælla á borðum landsmanna í kreppunni enda kílóverð á ungtölvuhakki töluvert undir verði á bæði nauta- …
Neytendur á plánetunni jörð eru orðnir sjö milljarðar. Á miðnætti fæddist stúlkubarnið Danica May Camacho á Filippseyjum. Telst hún vera …
Fyrsta verkefni hins nýja og fullkomna varðskips Þórs verður að ráðast á Færeyjar, sem svo lengi hafa ógnað öryggi okkar …
Neyðarlögin halda gildi sínu. Þetta er niðurstaða Hæstaréttar sem kvað upp sinn dóm rétt í þessu. Er almenningur því beðinn …