Einkennandi útlit Guðmundar Odds Magnússonar, Godds, er undarleg blanda af öldruðum ninjalærimeistara og einhverskonar kærleiksbirni, jafnvel svokallaðs Ewok-bangsa. Þetta kemur fram í nýrri úttekt á prófessornum, sem kallast Goddur: Kúltúr eða klisja?
Goddur sækir ýmis element úr heimi ódýrra bardagamynda 8. áratugarins, s.s. 'ninjahettuna' og 'vísdómsskeggið' og blandar þeim við ímynd 'önuga bangsans með gullhjartað' á nýstárlegan og jafnvel frumlegan hátt, að margra mati – á meðan aðrir telja fyrirbærið 'Godd' einfaldlega orðið að hugmyndafræðilegri klisju í sjálfu sér.
Reikistjarna
lítið notuð reikistjarna ásamt þremur tunglum fæst fyrir lítið, hentar vel fyrir lítil súrefnisháð lífríki. Frábær staðsetning í fallegu sólkerfi. Skipti á minni plánetu koma til greina.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.
Útgáfudeild Baggalúts er í miklu og góðu stuði þessa dagana. Ásamt því að gefa út vísdómsritin Riddararaddir og Týndu jólasveinana …
Svokölluð „sóðakvöld“ kvenfélagsins Málfríðar hafa vakið hörð viðbrögð, en þau þykja senda slæm skilaboð út í samfélag lífeyrisþega og eldri …
Strákarnir í nýpönkhljómsveitinni Áblæstri frá Akranesi vöknuðu allir samkynhneigðir eftir alvarlegt tískuslys sem þeir lentu í um síðustu helgi. „Við …
Kunnur íslenskur auðmaður er orðinn að litlum loðnum apaketti, einkum vegna óhóflegrar auðsöfnunar, en einnig spila þrjóska, eigingirni og takmarkalaus …